سویوموز بیر بولاغدان
اودوموز بیراوجاقدان
اوره یمیز،قانیمیز
شهره تیئمیز ،شانئمیز
دوغما آنا تورپاغدان
آیریلیق یووا سالدی
داغ لاری دومان آلدی
درد الیندن آغلادیم
سنده سینه داغلادیم
یولوموز باغلی قالدی

گل گوروشک سئوگیلیم:عشقم
آغیرلاشیب نیسگیلیم
عشقمیزین اوزونه
سن گولومسه ،من گولوم

حسرت شامین یاخیریق
بولاغ کیمی آخیریق
سن گونشلی گوندوزلو
من گئجه لی اولدوزلو
اوزاقلاردان باخیریق


هیجران اوزون آلدادیر
شیرین وصال دالدادیر
سیله ئک کؤنولدن آهی؟
قارشیلایاق صاباحی
خوش گونوموز یولدادی

گل گوروشگ سئوگیلیم
آغیرلاشیب نیسگیلیم
عشقمیزین اوزونه
سن گولومسه،من گولوم